Шымкентте мұғалімдер аутизмі бар балаға қорлық көрсеткен

Шымкент қаласының тұрғыны Сәуле Сәтпаева аутизмі бар 14 жасар ұлына балаларға арналған арнаулы әлеуметтік қызмет көрсету орталығында қатыгез қарым-қатынас жасалатынын мәлімдеді.

Бұл туралы Orda.kz 31 арнаға сілтеме жасап хабарлайды.

Баланың қолы кесілгенін көріп, анасы бақылау камераларынан бейнежазбасын талап етті. Ол бейнежазбадан тәрбиешілердің ұлына қалай қарайтынын өз көзімен көрді. Оны ұрып, қорлық көрсеткен.

Кадрда күтуші балаларға тәттілер таратып жүр. Бірақ, 14 жастағы Диас Тұрсыновқа ештеңе бермеді. Аутизмі бар бала печенье сұрауға тырысқанымен, жауап ретінде таяқ жейді. Содан кейін оған екпе егілді. Баланы бөлменің бейнекамера объективіне көрінбейтін бұрышына апарады.

Басқа бейнежазбада психолог баланы итермелейді. Баланың анасының айтуынша, арнайы әлеуметтік қызмет көрсету орталығында осындай тәрбие әдістері қолданылады.

Орталық қызметкерлері өз кезегінде баланың агрессивті екенін айтады. Оның психологты тістегенін айтқан мамандар ешқандай дәлел келтіре алмады. Балаларға арналған арнайы әлеуметтік қызмет көрсету орталығының жетекшісі Камила Аусанова еңбек демалысында болып, оқиға жайлы жақында ғана білген.

– Бұл өрескел жағдай. Әрине, барлық шаралар қабылданатын болады. Бұл немқұрайлылық қана емес, сонымен бірге бала құқығын бұзу. Органдарға барлық тиісті өтініштер жасалады, – деді Аусанова.