Шымкентте көп балалы отбасы бес жыл бойы салған баспанасынан айрылды

Шымкентте көпбалалы отбасы бес жыл бойы салып жатқан баспаналарынан айрылды. Үй өртеніп, өрт салдарынан үйдің жартысынан астамы жанып кеткен. Зардап шеккендер жанып жатқан үйден құжаттар мен киім-кешектерді шығарып үлгерген.

Қазіргі күні бес жас бүлдіршін отқа жылынуға мәжбүр. Көп балалы ана көз жасына ерік беріп, басынан өткергендерін қорқынышпен еске алады.

– Біз шатырға шықтық, қатты түтін болып, өрт сөндірушілерді шақырдық. Өрт сөндірушілер келіп, бәрін қиратып тастады. Бізге өрт тоқ өтетін сымдардан болғанын айтты, - деп еске алады Рәмзия Еникеева.

«Отырар» басылымының мәліметінше, бәрінен бұрын өрттен зардап шеккен отбасы қазір қайда тұрамыз деп алаңдайды. Жалғыз асыраушы – отағасы, сантехник болып жұмыс істейді. Көп балалы отбасының жалақысы мен жәрдемақысы күнкөріске әрең жетеді. Олардың барар жері жоқ.

– Өрт қойды деуге күдік жоқ, өйткені өрт пештен кеткен. Үй иелері бұған дейін пешті тазалағанын айтады, бірақ 2018 жылы да өрт болған, - дейді Шымкент қаласы Абай ауданы Төтенше жағдайлар департаментінің аға инженері Эльдар Паттахов.

Мұндай жағдайларда мемлекет отбасына көмек көрсетуге міндетті емес. Бар үміт – халықта.

– Заң бізді мүлкімізді сақтандыруға міндеттейді. Егер ол сақтандырылған болса, оның жарамды немесе жарамсыздығына байланысты тұрғын үйді сатып алу немесе жөндеу үшін ақшалай өтемақы болу мүмкін. Бірақ сақтандырушылар келісім-шартқа отырған кезде өз жұмысын өте мұқият орындайды. Бәрін оқып шығу керек, - дейді заңгер Евгений Яворский.

Еникеевтер отбасы осы уақытқа дейін таныстарын паналаған. Бірақ бұл ұзаққа созылмайды. Бес бала туыстарға да үлкен жүк. Көпбалалы отбасы уақытша баспана, құрылыс материалдарымен көмектесетін қайырымды жандардан үміт күтеді.