Шенеуніктер 9 миллионға 10 батарея сатып алмақшы болды

Мемлекеттік сатып алу сайтында хабарландыру шықты, оған сәйкес Тараз облыстық цифрлық технологиялар басқармасы 9 млн теңгеге 10 батарея сатып алмақшы болған.

Бұл туралы Orda.kz хабарлады.

Хабар 24 арнасының айтуынша, бір батарея мемлекеттік бюджетке 900 мың теңге шығын келтіреді.

Дүкендегі осындай бір батареяның бағасы 150 теңгеден аспайды.

Сыбайлас жемқорлыққа қарсы іс-қимыл департаментінің қызметкерлері Кәсіпкерлер палатасымен бірлесе отырып, хабарландыруға назар аударды және ұсыныс хатын жіберді. Артынша, Тараз облыстық цифрлық технологиялар басқармасы батареяның құнын 299 теңгеге дейін төмендетті.

Сыбайлас жемқорлыққа қарсы қызмет өтінішті толтыру кезінде қызметкер қате жібергенін түсіндірді. Ұқсас оқиға басқа бөлімде де анықталды.

– Дәл осындай жағдай Тараз қаласының білім бөлімінің сатып алуларды жоспарлау кезінде болды. 380 мың теңгеге компьютер сатып алу жоспарланған болатын. Бұл компьютерлердің нарықтағы ең төменгі бағасы 280-300 мың теңге. Осылайша, біз хат жібердік, сәйкесінше ол қайта қаралды, 16 млн теңге үнемделді. Компьютерлерді сатып алу 100 дана көлемінде жоспарланды, - дейді Сыбайлас жемқорлыққа қарсы күрес басқармасының басшысы Дәурен Омаров.