Ресейлік Akmal есімді әншінің Қазақстандағы концерттері өтпейтін болды

Ресейлік әнші Akmal-дың Қазақстанның екі қаласында жоспарланған концерті өтпейтін болды, деп хабарлайды Orda.kz.

Іс-шара ұйымдастырушыларының хабарлауынша, концерт «техникалық себептерге байланысты» өтпейді.

Айта кету керек, бұған дейін Akmal Петропавлда өткен концерт кезінде көк-сары түсті пакетті алмай қойған еді.

«Мына пакетті өртеп жіберіңізші, түсі ұнамай тұр», — деді ол сахнада тұрып.

Көк пен сары түстер тек Украинаның емес, сонымен қатар Қазақстанның да мемлекеттік рәмізінде бар екенін айтқан жұртшылық оның бұл әрекетін сөкті. Тіпті оның елдегі концерттерінің өтуіне қарсы шықты.

Еске сала кетсек, бұған дейін Бейнеу станциясының жұмысшылары еңбек жағдайының нашарлығына және арнайы киімдерінің сапасыздығына наразылық білдіріп, шағым түсірген. Алайда олардың айтуынша, «Қазақ темір жолы» жауап берудің орнына қорқытып, қысым көрсеткен.