Репер Qarakesek 7 жылға автокөлік жүргізу құқығынан айырылды

Qarakesek лақап атымен танымал Омар Амантаев мас болып автокөлік жүргізгені үшін 15 тәулікке қамауға алынып, 7 жылға көлік жүргізу құқығынан айырылды, деп хабарлайды Orda.kz.

 ІІМ Tengrinews.kz берген ақпаратында Ақтөбеде Омар Амантаев ұсталғаннан кейін, әкімшілік құқықбұзушылықтар жөніндегі мамандандырылған ауданаралық сот оны мас кезінде автокөлік жүргізгені үшін кінәлі деп таныды. 

«Есірткі заттарын сақтау фактісі бойынша Қылмыстық кодекстің 296-бабы 2-бөлігі «есірткі заттарын, психотроптық заттарды өткізу мақсатында емес, заңсыз сақтау» бойынша сотқа дейінгі тергеу жүргізіліп жатыр», – деп хабарлады ІІМ.

Айта кетейік, Ақтөбеде жедел іс-шаралар барысында есірткіге мас болған 31 жастағы рэпер ұсталды. Рэпер ұсталған кезде көлік тізгінінде болған. Жеке тексеру кезінде одан ұнтағы бар ZIP-пакет тәркіленді. Сараптама қорытындысына сәйкес, бұл синтетикалық есірткі болып шықты