Петропавлда кәсіпкердің отбасын қырып салған әйел мерзімінен бұрын бостандыққа шықты

Петропавл қаласында жерлеу агенттігі иелерінің отбасын өлтіргені үшін сотталған әйел мерзімінен бұрын бостандыққа шықты. Оның жазасының мерзімінің аяқталуына тоғыз айдан астам уақыт қалған еді, деп хабарлайды Orda.kz. 

СҚО сотының түсіндіруінше, әйел кәмелетке толмаған баласының бар екенін негізге алып, жазаны өтеуді кейінге қалдыруды сұраған. Заңға сәйкес, 14 жасқа дейінгі баласы бар аналарға жазаны өтеу уақытша тоқтатылуы мүмкін.

Сот бұл өтінішті қанағаттандырды.

Еске салайық, 2023 жылғы 28 желтоқсанда «Рабочий» шағын ауданында азаппен өлім құшқан үш адамның мәйіті табылған еді. Олар — жерлеу рәсімімен айналысатын кәсіптің иесі мен оның әйелі және 17 жастағы ұлы. Нәтижесінде екі ер адамға қарақшылық және кісі өлтіру айыбы тағылды. Ал әйел адамға кісі өлтіруге айдап салу (азғыру) бойынша айып тағылған.

Айыптау нұсқасына сәйкес, аса қатыгез қылмыстың себебі жерлеу қызметтері саласындағы көпжылдық бәсекелестік болған.