Өскеменде автобус жүргізушісі рөлде отырып жан тапсырды

Өскемен қаласында жолаушылар автобусын тізгіндеген жүргізуші жолда келе жатып қайтыс болды, деп хабарлайды Orda.kz. 

Шығыс Қазақстан облыстық полиция департаментінің мәліметінше, қайғылы оқиға автобус Бажов көшесімен жүріп келе жатқан сәтте болған. 

Автобус жүргізіп келе жатып, 57 жастағы жүргізушінің жағдайы күрт нашарлап кеткен. Оны көрген екінші жүргізуші дереу жедел жәрдем қызметін шақырған. Алайда, дәрігерлер келгенге дейін ер адам қайтыс болды.

Қазіргі уақытта оқиғаның нақты себебін анықтау үшін сот-медициналық сараптама тағайындалған. Жолаушылардың айтуынша, жүргізуші жолға шығар алдын өзін жайсыз сезінгенін айтып, бұрын жүрегіне ота жасалғанын ескерткен.

Айта кетейік, Спорт министрлігі Жәнібек Әлімханұлының допинг дауына қатысты пікір білдірді.