Ормуз бұғазын ашуды талқылау үшін 30 ел бірікті

Талай мемлекет басышысының ұйқысын қашырған мәселені толқылауға жалпы саны 30 ел бірікті. Олардың басым бөлігі НАТО мүшелері. Барлығының басты тақырыбы — Ормуз бұғазындағы теңіз жолдарын ашу бойынша шешім қарастыру, деп хабарлайды Orda.kz.      

 Бұл туралы НАТО-ның бас хатшысы Марк Рютте брифинг барысында мәлімдеді.

«Ормуз бұғазындағы теңіз жолдарының ашықтығын қамтамасыз ету мәселесіне келсек, қазіргі уақытта 30 ел, олардың көпшілігі НАТО мүшелері, сондай-ақ Жапония мен Корея, Австралия мен Жаңа Зеландия, Бахрейн мен БАӘ… теңіз жолдарының қай жерде және қалай ашық болуын қамтамасыз ету қажеттігін талқылау және кейін шешім қабылдау үшін бірікті», — деді Рютте. 

АҚШ пен Израильдің Иранға қарсы әскери операциясы басталғаннан кейін Тегеран Ормуз бұғазында сауданы тоқтататынын жариялады. Бұл бұғаз арқылы әлемдік мұнайдың 20%-ға жуығы және сұйытылған табиғи газдың 30%-дан астамы өтеді. Кейбір кемелер бұғаздан өтуге әрекет жасағанда ирандық әскерилер тарапынан шабуылға ұшыраған.

Бұған дейін Рютте еуропалық одақтастар ақыр соңында Ормуз бұғазындағы АҚШ бастаған әскери-теңіз коалициясына қосылатынын айтқан. The Financial Times басылымының жазуынша, бұл мәлімдеме НАТО ішіндегі шиеленісті күшейтіп, еуропалықтарды «ыңғайсыз жағдайға» қалдырды.

The Times және The Telegraph мәліметінше, Ұлыбритания Ормуз бұғазындағы қозғалысты қайта жандандыру және осы дәліз арқылы өтетін кемелерді алып жүру үшін халықаралық коалицияны басқаруға дайындалып жатыр.

Өткен аптада Ұлыбритания, БАӘ, Франция, Германия, Италия және Нидерланды осы сауда бағытын қорғау үшін «тиісті шаралар қабылдауға» келіскен бірлескен мәлімдемеге қол қойды. Politico басылымы да қауіпсіздікті қамтамасыз етуге үлес қосуға дайын екенін білдірген 30 ел туралы жазды.

Оқи отырыңыз:

• Тегеран бес елдің кемелеріне Ормуз бұғазы арқылы өтуге рұқсат берді
• Жеті ел Ормуз бұғазын ашуға жәрдемдесуге дайын екенін мәлімдеді
• Ормуз бұғазын жапқан ирандық қолбасшы Әлиреза Тангсири қаза тапты