Мишустин Қазақстанның орыс тіліне деген ілтипатын атап өтті

Ресей премьер-министрі Михаил Мишустин Қазақстанның елдерге іскерлік және мәдени байланыстарды орнатуға көмектесетін орыс тіліне ілтипатпен қарайтынын атап өтті.

Бұл туралы ТАСС хабарлады.

«Қазақстанда ресми тіл мәртебесіне ие орыс тіліне деген ілтипатты көзқарасты атап өткім келеді. Бұл біздің азаматтарға еркін қарым-қатынас жасауға, іскерлік қарым-қатынас орнатуға және мәдени байланыс орнатуға мүмкіндік береді» деді Ресей премьер-министрі Қазақстан премьер-министрі Әлихан Смайыловқа.

Мишустин екі ел арасындағы аймақаралық ынтымақтастықтың белсенді дамуына назар аударып, Ресей мен Қазақстанның келесі өңіраралық ынтымақтастық форумы күзде Орынборда өтетінін, ол саудадағы инфрақұрылымдық шектеулерді жоюға арналатынын еске салды.

Ол тараптардың мәдени-гуманитарлық өзара іс-қимылға да ерекше мән беретінін, Қазақстанда ресейлік жоғары оқу орындарының филиалдарын ашуға дайындық жүріп жатқанын айтты.

Сонымен қатар, РФ үкіметінің басшысы Ресей мен Қазақстан арасындағы ЕАЭО аясындағы көпжақты байланыстарды, оның ішінде қаржы және сауда саласындағы байланыстарды атап өтті.