Маңғыстауда мектептегі акт залының төбесі құлады: Полиция қылмыстық істі тоқтатты

Маңғыстау облысы Құрық ауылындағы мектепте акт залының төбесі құлады. Осы бойынша қозғалған қылмыстық іс тоқтады, деп хабарлайды Orda.kz Lada.kz сайтына сілтеме жасап. 

Маңғыстау облысы ПД мәліметінше, жүргізілген сараптама ғимарат құрылысы кезінде қандай да бір бұзушылықтар болмағанын көрсеткен. Сол себепті ҚР Қылмыстық кодексінің 278-бабы («Сапасыз құрылыс») бойынша ашылған іс жабылды.

Айта кетейік, Құрықтағы мектеп-гимназия ғимараты 2009 жылы пайдалануға берілген. Яғни, ғимаратқа 16 жыл болған. Бұған дейін Маңғыстау облысы білім басқармасы жүргізген техникалық сараптама шатырдың су өткізгіштік талаптарына сай еместігін, метал құрылғылардың тозуынан кейбір элементтердің беріктілігі төмендегенін және техникалық қызмет көрсетудің уақытында жүргізілмегенін анықтағанын хабарлаған еді. Сараптама акт залында күрделі жөндеу және реконструкция жүргізуді ұсынған.

Еске салайық, Қарақия ауданы Құрық ауылының мектеп-гимназиясында акт залындың төбесі былтыр 23 шілдеде құлаған болатын. Оқушылар №1 және №6 мектептерге, сондай-ақ Құрық балалар өнер мектебіне орналастырылды.

Оқи отырыңыз:

• Шығын — 10 млрд теңге: Қаржы пирамидасын басқарған қазақстандық Грузиядан экстрадицияланды
• Исламтанушы ел ішінде арандатушы уағызшылар көбейгенін айтты
• Қарақшылар 3 минут ішінде Италиядағы музейді тонап кетті