«Маған қарсы шығып жатқандар – аналарына құрметі жоқ адамдар» – Ардақ Назаров

Мәжіліс депутаты Ардақ Назаров парламент отырысында анасын туған күнімен құттықтағаны үшін айтылған сынға жауап берді, деп хабарлайды Orda.kz.

Ардақ Назаров өзіне қатысты қарсы пікір білдіргендерді анасын құрметтемейтін адамдар деп айыптады.

«Маған қарсы шығып жатқандар – аналарына құрметі жоқ адамдар», – деді Назаров мәжіліс дәлізінде. 

Сондай-ақ, Назаров халықтың сыны оның көңіліне тимейтінін мәлімдеді.

Еске салайық, мәжіліс депутаты Ардақ Назаров ресми отырыс кезінде анасын туған күнімен құттықтады. Назаровтың бұл әрекеті жұртшылықтың назарынан тыс қалмады. Әлеуметтік желіде көпшілік депутатты сынап, ол жердің құттықтау жолдайтын емес, ресми заң шығарып, сауал тастайтын орын екенін жазды.