Қырғызстан тауында көз жұмды деген альпинистің ұлы Ресей билігінен көмек сұрады

26 тамыз 2025 09:31 Альфия Адамбек

Қырғызстанда тау шыңында аяғынан жарақат алып, құтқарушылар жетпей «қайтыс болды» деген ресейлік альпинист Ольга Наговицынаның ұлы мәлімдеме жасады, деп хабарлайды Orda.kz.

Ол Ресей Федерациясының Бас прокурорына, СІМ-ге және Ресейдің Бішкектегі елшісіне жағдайға араласып, құтқару операциясын ұйымдастыруды сұрады.

Михаил Наговицын анасының қаза тапқанына сенбейді. Баласы альпинистің тірі екеніне үміттенеді.

«Болжамға сәйкес, қолайлы ауа райы жағдайлары алдағы екі тәулік ішінде ғана сақталады. Осы уақыттан кейін құтқару операциясын жүргізу мүмкін болмайды. Анамның тірі екенін растау мақсатында дрондарды пайдаланып Жеңіс шыңында түсірілім ұйымдастыруға көмек көрсетуді сұраймын», - дейді Михаил Наговицын.

Айта кетейік, Қырғызстанның Төтенше жағдай министрлігі Жеңіс шыңында аяғын сындырып, тауда қалған ресейлік альпинист Наталья Наговицынаның қаза тапқанын хабарлады.

Бұған дейін Натальяның денесі көктемге дейін тауда қалады, ал оның шатырын іздеу 2026 жылдан ерте басталмайды деген хабар тараған болатын.

Жаңалықтар

барлық жаңалықтар