Қырғыз шенеунігі неліктен Қазақстаннан бензин сатып алынбайтынын айтты

Қырғыз Республикасының Монополияға қарсы реттеу агенттігінің директоры Жеңіс Орозбаев ресейлік жағармайды неғұрлым тиімді деп санайды, деп хабарлайды Orda.kz Tazabek басылымына сілтеме жасай отырып.

Бензинді сатып алу тақырыбы қырғызстандық радиостанциялардың бірінен Орозбаевтың сұхбаты кезінде айтылды. Оған Қырғыз Республикасы отынды неліктен Ресейден сатып алады, және ел ішінде бензин АИ-92 литріне 70 сомнан (шамамен 430 теңге) сатылады деп сұрады. Ал Қазақстанда бензин қырғыз валютасымен 40 сом тұрады.

Орозбаев бұған Қазақстандағы ішкі бағалар бюджеттен төленетін өтемақылар арқасында төмендетілгенін, ал ҚР-дан келетін отынның экспорттық бағасы едәуір жоғары екенін айтты.

«Егер Қырғызстан Қазақстанмен ЖЖМ импортына келісім жасаса, біздің еліміз үшін баға Ресейден келетін отын құнынан асып түседі, бұл экономикалық тұрғыдан тиімсіз. Қырғызстанның Қазақстаннан отын сатып алуын ешкім шектемейді, бірақ қазір бұл нұсқа орынсыз», - дейді қырғыз шенеунігі.

Жұма күні EnergyProm порталы ҚР-дағы бензин бағасы бойынша талдауды жариялады. Оның мәліметінше, бір жылда АИ-92 8,7%, АИ-95/96 - 6,5%, АИ-98 - 5,5% қымбаттады. Бұл ретте бензиннің ішкі бағасы, орта есеппен литріне 220 теңге, ТМД-да ең төмен және әлемдегі ең төмен бағалардың бірі болып қалып отыр.

Былтыр Құлыбаевтың жанар-жағармай компаниясы  382 миллиард теңге айыппұл төлеуге міндеттенді. 

Ақпан айында Техникалық реттеу және метрология комитетіне Алматы қаласының тұрғыны қаладағы жанар-жағармай құю бекеттерінің бірінде  бензиннің аз құйылып жатқаны туралы шағым түсірді.

Бүгінгі таңда Қазақстандағы бензин мен дизель отынының бағасы әлемдегі ең төмен елдердің қатарында қалып отыр.