Қымбат Досжан екі баланың ата-анасы Жәнібектің арқасында табылғанын айтты

«Бармысың бауырым» бағдарламасының жүргізушісі Қымбат Досжан қуанышты жаңалықпен бөлісті, деп хабарлайды Orda.kz порталы.

Журналист бұған дейін  4 бала ата-анасымен қауышқанын айтты және тағы екі бала анасын да, әкесін де Жәнібектің арқасында тапқанын жеткізді. 

«Бармысың, бауырым?» хабарының өткен санында Роза Багусова есімді кейіпкер оқиғасын баяндап, ата-анасын іздеп келгенін жеткізген еді. Араға апта салып тікелей эфирден Розаның анасы да, әкесі де табылғанын хабарлап отырмыз. Роза эфирге келуге тиіс еді. Алайда, белгілі себептермен жолға шыға алмаған екен. Анасы мен әкесі оңаша кездесуді жөн деп тапты. Солай болса да Розаның әкесінің туысы студияға келіп Розамен тілдесті» деп жазылған жазбада.