Құтқару операциясы тоқтады: Альпинист Наталья Наговицына қаза болды

Қырғызстандағы Жеңіс шыңында аяғын сындырып, тауда қалған ресейлік альпинист Наталья Наговицына қаза тапты, деп хабарлайды Orda.kz.

Бұл туралы елдің Төтенше жағдай министрлігі хабарлады.

«Оның қаза тапқаны туралы болжамды біздің барлық сарапшылар айтты», – деді Қырғызстан ТЖМ баспасөз қызметінің жетекшісі Әділ Чарыгов. 

Натальяның денесі көктемге дейін тауда қалады, ал оның шатырын іздеу 2026 жылдан ерте басталмайды.

Бұл оқиға үлкен резонанс тудырды, себебі Натальяның өмірінде бұған дейін де қайғылы тәжірибе болған. Төрт жыл бұрын ол күйеуімен бірге Хан-Тәңірі шыңына көтерілген. Сол жерде оның күйеуі инсульт алып, 6900 метр биіктікте қаза тапқан еді. Наталья соңына дейін жолдасының жанында қалып, көмектесуге тырысты.

Бір жылдан кейін ол сол жерге қайта оралып, күйеуіне арналған ескерткіш тақта орнатты. Енді дәл сондай 7000 метр қашықтықта өзі де қайтыс болды.

Оның артында 27 жастағы ұлы қалды.