Қу түлкі Астана маңында бір шана балықты олжаламақшы болды

Түз тағысының «ұрлығы» күтпеген жерден жұртты сүйсіндірген бейнеге айналып, әлеуметтік желілерге тарап, біраз елді сүйсіндірді, деп хабарлайды Orda.kz.

Бейнеден түлкінің маңайында адамдар болғанына қарамастан, шананың жібін аузын тістеп алып, «өзі білетін» жаққа қарай тартқылап, сүйреп бара жатқаны көрінеді. Балықшылардың келіп қалғанынан қорқайын деп тұрған ол жоқ, керісінше балықтың иесіне айбат шегіп «олжасын» бергісі келмей жұлқынып қояды. 

Балықшы шананың арт жағын ақырын аяғымен басып, қанша қу болса да адам баласынан айласы аспайтынын сездіртті. Жануар бірнеше рет олжаны алып кетуге тырысып, сәтсіз әрекеттерінен кейін шамасы жетпейтінін түсінгендей шегінді.

Ролик авторларының айтуынша, бейне елордаға жақын жерде түсірілген.

Ақырында балықшылар қу жануардан олжаларын аман алып қалыпты, түз тағысының «ерен еңбегіне» бір-екі балық бұйырды.

Түсініктемелерде пайдаланушылар тура ертегідегі көріністі көргендерін жазып жатыр.  

Иә, әжелеріміз айтатын ертегідегі қу түлкі осындай болады. Біраз оқырман байнені немерелері мен кішкентай балаларына көрсетіп, біраз мәре-сәре болып қалғаны анық.

Еске салсақ, Маңғыстау облысының Бейнеу ауылында түлкінің оқушыларға шабуыл жасағаны  туралы біздің редакцияға оқырмандар хабарлады. Олардың айтуынша, жануар қызды мектептің жанында тістеп алған. 

Оқи отырыңыз:

• Қазақстандықтар шетелмен де трансшекаралық QR-төлем жасайды
• Қаңтардағы ҰБТ басталды: талапкерлердің 75%-ы тестілеуді қазақ тілінде тапсырады
• Ғасырда бір болатын құбылыс: 22 қаңтарда жер тұрғындары ғаламшарлар шеруін тамашалайды
• Астанада жеңіл атлетикадан Қазақстанның қысқы чемпионаты басталды