«Көзіме шөп салды»: Түркістанда әйелін балғамен ұрып өлтірген ер адам асылып өлді

Түркістан облысы Сайрам ауданында күйеуі әйелін балғамен ұрып өлтірген соң өзіне-өзі қол салды, деп хабарлайды Orda.kz Otyrar.kz-ке сілтеме жасап. 

Түркістан облысы Сайрам ауданы Қарамұрт ауылында 56 жастағы ер адам 45 жастағы әйелінің басын балтамен ұрып өлтірді. Кейін ол дәретханаға кіріп, өз-өзіне қол жұмсаған. Ең сорақысы, әйелдің қансырап жатқанын қызы, ал әкесінің өлі денесін ұлы бірінші болып көрген.

Марқұмдардың көршісі әрі туысы Давлат Арипов әйелдің денесін көргенде танымай қалғанын айтты.

Ерлі-зайыптылардың отбасын құрғанына 15 жылға таяған. Екеуінің ортақ 4 баласы бар. Үлкені 13 жаста, кенжесі 4 жаста. Балаларының кенжесі ерекше қарауды қажет ететін бала. Отбасы осы баланың жәрдемақысымен күн көрген. Ер адам жұмыссыз болған. 

Көршілерінің сөзінше, ер адам жұбайының опасыздығына байланысты ауыр қадамға барғанын айтып, телефонына дыбыстық жазба қалдырыпты. Бірақ мұны әйелдің туыстары жоққа шығарды. 

Марқұм ерлі-зайыптының төрт баласы мемлекет қарауына өткен. Балаларды әйелдің туыстары өз қарауына алғысы келеді. Олар тергеу ісіне де күмәнмен қарап отыр. Ал полиция оқиғаға қатысты қылмыстық іс қозғалғанын мәлімдеді.

Айта кетейік, Таразда сыныптасының соққысынан 9-сынып оқушысы көз жұмды.