Коуч пен психологтардың құқықтық мәртебесі заңмен айқындалмақ
Сурет ЖИ көмегімен жасалды
Заңға сәйкес психологтардың бірыңғай мемлекеттік тізілімі енгізіледі, деп хабарлайды Orda.kz.
Мәжіліс депутаттары «Психологиялық қызмет туралы» заң жобасын бірінші оқылымда мақұлдады. Бұл тізілімге ену кәсіби қызметпен айналысудың міндетті шарты болады. Сонымен қатар психологиялық қызмет медициналық қызметтен нақты ажыратылып, психологтарға дәрі-дәрмекпен ем жүргізуге тыйым салынады. Бұл халықаралық тәжірибеге сай келіп, азаматтардың қауіпсіздігін қамтамасыз етуге бағытталған.
Әлеуметтік-мәдени даму комитетінің мүшесі Айна Мысырәлімованың айтуынша, соңғы жылдары коучинг қызметтері нарығында белсенді өсім байқалады. Алайда бұл саладағы қызметтердің бағыты да, мазмұны да әркелкі, кей жағдайда қоғамда күмән туғызатын тұстары бар. Осыған байланысты заң жобасы психологиялық қызмет пен коучингтің аражігін құқықтық тұрғыдан нақты айқындауды көздейді.
«Біріншіден, біз психологтың құқықтық мәртебесін нақты белгілейміз. Психолог деп тек біліктілік талаптарына сай келетін, өз құзыреттерін растаған және мемлекеттік тізілімге енгізілген тұлға ғана танылады. Басқа адамдардың азаматтардың психоэмоциялық жағдайымен жұмыс істеуге құқығы болмайды. Екіншіден, психологиялық қызмет кәсіби стандарттарға қатаң түрде байланыстырылған. Ал коучинг бөлек реттеледі және азаматтардың психоэмоциялық жағдайымен жұмыс істеуге құқық бермейді», – деді Айна Мысырәлімова.
Сондай-ақ заң жобасында психологтардың құзыреті мен біліктілігіне қойылатын талаптарды айқындайтын кәсіби стандарт енгізу, психологиялық көмекті офлайн, онлайн және аралас форматта көрсету тәртібін белгілеу қарастырылған. Құжатта адам мен азаматтың құқықтары мен бостандықтарын шектейтін нормалар жоқ екені атап өтілген. Мәжіліс комитеттері заң жобасына оң қорытынды берген.
Оқи отырыңыз:
Жаңалықтар
- Перизат Қайрат түрмеде тазалықшы болып жұмыс істеп жүр
- Тоқаев Корея президентінің арнаулы өкілімен қазақ-корей ықпалдастығын одан әрі нығайту жолдарын талқылады
- Қазақстан Түркияның әскери мүлкі мен әскери қызметкерлерінің транзитіне рұқсат береді
- Мәжіліс депутаты радикал діни ағымдарға заңмен тыйым салу мәселесін қайта көтерді
- Мемлекеттік қызметкердің есірткіге әуестігі тексеріледі: Мәжіліс заң жобасын қарап жатыр
- Магнус Карлсенмен суретке түскен Алуа Нұрман халықаралық турнирден 2-орын алды
- Қаңғыбас иттерді өлтіруге рұқсат берілді
- Ақтөбе облысы әкімдігі ғимаратында болған өрттің алдын ала себебі белгілі болды
- Алматыда 2030 жылға дейінгі қаланың бас жоспарына сай қай жолдар ұзарып, қандай нысандар сүріледі?
- Әділетхан Молдахан 2 айға қамауға алынды
- Коуч пен психологтардың құқықтық мәртебесі заңмен айқындалмақ
- Қозы Көрпеш – Баян Сұлу мерекесі жайлы не білеміз?
- Сағатына 100 мың жалған хабарлама: Құпия деректер мен банктегі қаражатты қолды қылатын алаяқтардың жолы кесілді
- Таяу Шығыстағы ахуал: Трамп айтқан «алтын дәуір» бастала ма?
- Әкімдіктегілер түстен кейін жұмысына оралады — Ақтөбе облысының әкімі
- Солтүстік Корея екінші күн қатарынан белгісіз снарядтарды ұшыруда — Оңтүстік Корея
- Қазақтың келінге қатысты салт-дәстүрлері мен ат тергеудің тәрбиелік мәні
- АҚШ пен Иран 14 күнге бітім жариялады: Тоқаев құптады
- Әкімдіктегі тілсіз жау: Ақтөбе облысының әкімі мәлімдеме жасады
- Ақтөбе облысы әкімдігінің ғимараты өртке оранды
