Қазақстанда ресейлік миллиардердің компаниясына 24 млн теңге айыппұл салынды

Павлодарда KDV Kazakhstan компаниясы монополияға қарсы заңнаманы бұзғаны үшін кінәлі деп танылып, 24 млн теңге айыппұл арқалады, деп хабарлайды Orda.kz.

Бәсекелестікті қорғау және дамыту агенттігінің ақпараты бойынша, фирма көтерме саудагерлерге арналған бірдей өнімдерге әртүрлі бағалар қойған. Компанияның «Яшкино» және O ' Zera брендтеріндегі тәттілерге қойған бағасы кондитерлік өнімдердің көтерме нарығындағы бәсекелестікті шектеді.

Монополияға қарсы заңнаманы бұзу фактілері расталды. Іс материалдары сотқа беріліп, компания жауапқа тартылды. Енді KDV Kazakhstan айыппұлды бір ай ішінде төлеуі тиіс.

«KDV Kazakhstan» ЖШС KDV Group ресейлік азық-түлік холдиңгіне жатады. Оған 15 фабрика және 700-ден астам өнім түрі тиесілі. Холдингтің өнімі Қазақстанға және ТМД-ның басқа елдеріне жеткізіледі. KDV Group-ты ресейлік кәсіпкер Денис Штенгелов құрған. Оның байлығы Forbes-тің 2023 жылғы ақпараты бойынша, шамамен 1,3 миллиард долларға бағаланды.

Айта кетейік, ел бюджетінің тапшылығы 5,8 трлн теңгеден асты. Ал сыртқы қарыз 172,8 млрд долларға жетіп, бұрын-соңды болмаған тарихи рекорд орнатты.