Қазақстан авиациялық әкімшілігі: Иран, Израиль, Сирия, Ирак, Иордания және Ливан әуе кеңістігіндегі ұшулар тоқтады

Қазақстанның авиациялық әкімшілігі Иран, Израиль, Сирия, Ирак, Иордания және Ливан әуе кеңістігінің үстінен, шегінде және оған іргелес аумақтарда ұшуларды ерекше нұсқауға дейін толық тоқтату туралы шешім қабылдады, деп хабарлайды Orda.kz. 

Бұл тыйым қазақстандық әуе кемелерін пайдаланушылардың барлық тұрақты және тұрақты емес жолаушылар, жүк және техникалық рейстеріне қатысты қолданылады.

Еске салсақ, Қасым-Жомарт Тоқаев Иран төңірегіндегі жағдайдың ушығуына байланысты қауіпсіздік шаралары жөнінде тапсырмалар берді. 

Мемлекет басшысының тапсырмасымен барлық күштік құрылымдар тәуліктік жұмыс кестесіне көшірілді. Үкіметте Сыртқы істер министрлігі жетекшілік жасайтын арнайы мониторинг тобы жұмысқа кірісті.