«Қауіпті»: Америкалықтар Temu бағдарламасын сотқа беріп жатыр

Америкалықтар Temu бағдарламасын жаппай сотқа беріп жатыр. Қосымша пайдаланушылардың жеке деректерін жинау және өңдеу шарттарын бұзған, деп хабарлайды Orda.kz. 

Американдық Potter Handy заң компаниясының мәліметінше, бұл америкалықтардың қытайлық қосымшаға қарсы жазған алғашқы арызы емес. 2023 жылы бірнеше штаттардағы сотта осындай шағымдар қарала бастады. Арыз жазғандар микрокредиттік ұйымдардан және бұрын соңды клиенттері болмаған онлайн-дүкендерден хабарлама ала бастағанын мәлімдеді. Temu-ға қарсы топтық сот Канадада да болады. Оған қытайлық маркетплейстің жосықсыз саясаты себеп болған. 

Grizzly Research нарықты зерттеу компаниясы Temu-ді толық тексеріп, оның қауіпті екенін жариялады. Мамандар Temu қосымшасы арқылы алаяқтар контактілер тізіміне, хабарламаларға, электрондық пошталарға қол жеткізе алатынын айтты. 

Айта кетейік, Orda.kz бұған дейін Грузия қазақстандықтарды елге кіргізбей, депортациялап жатқанын жазған еді.