Қаскелеңде алты баласымен өзін өртемек болған ананың үй дауы шешілді ме?

Қаскелеңде Қарасай аудандық әкімдігінің алдында өз-өзін алты баласымен қоса өртеп жібермек болған келіншектің ісіне нүкте қойылды. Бес жыл бойы шешілмеген үй мәселесі бір жақты болды, деп хабарлайды Orda.kz.  

Бұл туралы заңгер Мейірман Шекеев  әлеуметтік желісіндегі парақшада жазды. Әйелдің жаңадан сатып алған үйін бұрынғы иесі заңсыз деп танып, сотқа берген. Алғашқы сотта ол жеңіп шыққанымен, апелляциялық сот кереғар шешім қабылдап, жеңіліп қалған еді. 

Яғни, алты баламен далада қалу қаупі төнген ана, енді өз үйінде тыныш ұйықтайтын болды.  

«Ешкім енді оны балаларымен үйден қуып шыға алмайды. Ал судьяға ерекше алғысымызды білдіреміз. Барлық уәждерді мұқият тыңдап, дәлелдемелерді толық зерделеп, обьективті бағасын берді», – деді Шекеев. 

Еске сала кетейік, көпбалалы ана Гүлнәр Молдабекова Қаскелеңде Қарасай аудандық әкімдігінің алдына 20 тамыз күні үйден шығарылатынын айтып, наразылық белгісі ретінде әкімдік алдын алты баласымен бензин алып келіп өз-өзін өртемек болды. Оның айтуынша, Алтын ауыл ықшам ауданынан бөліп төлеу арқылы сатып алған үйінен алты баласымен бірге қуып шығу қаупі болған. Әйел қарызынан толық құтылғанын, қолында барлық құжаты барын айтады. Алайда, үйдің бұрынғы иесі қитұрқы әрекетке барып, пәтерді банк кепілінен әдейі шығармай отырғанын айтып наразылық білдірген еді.