Экологиялық апат: Балқаш Аралдың жолын қуып келе ме?

Экологтар Орталық Азиядағы құрғап кету үрдісін жалғастыра отырып, Қазақстандағы Балқаш көлі жоғалып бара жатқанын айтты.

Бұл туралы Orda.kz Circle Blue ұйымының сайтына сілтеме жасап хабарлады.

NASA мен Blue Circle мамандары климаттың өзгеруінің гидрологиялық салдарын зерттей отырып, 2021 жылы 3 млн астам адам Балқаштағы таяз сулардың әсерін сезінетінін ескертті. Мамандар Балқаш көлі Арал теңізінің ізімен келе жатыр деп қорқады.

– Менің ойымша, Іле атырауындағы сулы-батпақты жерлер 50 жыл бұрын Арал теңізі айналасындағы сулы-батпақты жерлерге ұқсаған, - деді Нейлс Тевс, Грейфсвальд университетінің ғылыми қызметкері.

Каспий Саясат Орталығының мәліметі бойынша Іле өзенінің Қытайдың солтүстік-батысынан ағыны 1970 жылдардан бастап үнемі қысқарып келеді. Себебі Қытайдағы Іле өзенінің бойындағы егін жинау үшін пайдаланылатын жер көлемі 30 пайызға артқан.

Балқаш кен-металлургия зауыты жыл сайын қорғасын, мырыш және мыс қосқанда шамамен 600 мың тонна өндірістік қалдықтарды шығаратыны көрсетілген.

Сарапшылар Балқаш көлінің жоғалуы биоалуантүрліліктің айтарлықтай төмендеуіне әкелетінін баса айтты. Көлдің экожүйесіне әлемде еш жерде кездеспейтін 60-тан астам өсімдік түрлері, 12 жойылып бара жатқан құстар және 6 балық түрі кіреді.

Көлдің шығыс бөлігі тұзды, ал батыс жағалауы тұщы сулардың лай ортасы болып саналады, сондықтан жануарлардың өзгеретін ортаға бейімделуі ұзақ уақытты алады деген де ақпарат бар.

Бұған дейін БАҚ Қытайдағы жерді дамытудың қарқыны және күріш алқаптарының кеңеюі қуаң аймақтағы ауыз судың негізгі көздерінің бірі болып табылатын Қазақстандағы ең үлкен көл Балқаш бассейніне үлкен қауіп төндіреді деп жазды.

Кейін Экология, геология және табиғи ресурстар вице-министрі Серік Қожаниязов экологтардың Балқаш көліне Қытайдан келетін қауіп туралы мәлімдемесіне жауап берді. Оның айтуынша, Балқаш Аралдың ізімен келе жатқан жоқ.