Испаниядағы теміржол апаттарынан бес күнде 40-тан астам адам қаза тапты

Испанияда соңғы бес күн ішінде болған бірнеше теміржол апаты салдарынан 40-тан астам адам көз жұмды. Ең ірі трагедия 19 қаңтарда Адамузе қаласында тіркелді, екі пойыздың соқтығысуы салдарынан 42 адам, оның ішінде қарсы бағыттағы пойыздың машинисі қаза тапты, деп хабарлайды Orda.kz.

Екі күннен кейін, 21 қаңтарда Барселона маңында қала маңындағы пойыз рельстен шығып кетті. Апатқа нөсер жаңбыр мен құлаған жолдағы тіреу себеп болған. Машинист қаза тауып, тағы 37 адам жарақат алды, олардың бесеуінің жағдайы ауыр.

Сол күні аймақтық желідегі тағы бір пойыз жолға құлаған тас салдарынан рельстен шықты. Бұл оқиғада зардап шеккендер болған жоқ.

Төртінші апат 22 қаңтарда Испанияның оңтүстік-шығысында, Картахена маңында болды. Қала маңындағы пойыз кранмен соқтығысқан. Reuters агенттігінің жазуынша, төрт адам жеңіл жарақат алған, алайда пойыз аударылмаған. Осы учаскеде пойыз қозғалысы уақытша тоқтатылды.

Басылым дерегінше, аталған оқиғалардан кейін Испаниядағы машинистердің ең ірі кәсіподағы — SEMAF теміржол қауіпсіздігіне жауапты тұлғаларды қылмыстық жауапкершілікке тартуды талап етіп, жалпыұлттық ереуілге дайындық жариялаған. Ереуіл 9 ақпанға жоспарланған.

Еске салсақ, 2024 жылы Испаниядағы су тасқынынан 205 адам қаза болды.  205 адамның ішінде Валенсияның 202 тұрғыны бар. Бұл табиғи апаттан зардап шеккен негізгі аумақ еді. 

Тақырыпқа сай ұсынамыз: 

• Тоқаев Испания королін Ұлт күнімен құттықтады
• Испания билігі Нұрсұлтан Назарбаевтың қызынан көшені қайтарып алды
• Испания короліне халық балшық лақтырды