Грек-рим күресінен әлем чемпионы Айдос Сұлтанғалиға пәтер мен көлік сыйға берілді

cover Фото: Қызылорда облысының әкімдігі

Қызылорда облысының әкімі Нұрлыбек Нәлібаев грек-рим күресінен Әлем чемпионы Айдос Сұлтанғали мен жеке бапкері Ғабиден Райымбекті қабылдады. Жиын барысында спортшыға көлік пен пәтер сыйға берілді. Ал бапкерге жаңа пәтердің кілті табысталды, деп хабарлайды Orda.kz. 

Айдос Сұлтанғали араға 26 жыл салып Хорватия астанасы Загреб қаласында өткен ересектер арасындағы грек-рим күресінен Әлем чемпионатында топ жарды. 

Грек-рим күресінен Әлем чемпионатының алтын медалін елімізге соңғы рет 1999 жылы Грекияның Афины қаласында өткен дүбірлі додада Мхитар Манукян (63 келі) алып келген.

Қызылорда облысының әкімдігі Айдос Сұлтанғалиға бұған дейін де мемлекет, облыс тарапынан қолдау көрсетіліп келе жатқанын атап өтті. 

«Өткен жылы еліміздің, өңіріміздің жанашыр азаматы Бақдәулет Еркінбекұлының демеушілігімен автокөлік табысталған. Бұдан бөлек, ай сайын 1 млн теңге мемлекеттік стипендия беріледі. Бұл қолдау әрі қарай жалғасады», — деп хабарлады әкімдіктің баспасөз қызметі. 

Айта кетейік, Ливерпульде әлем чемпионы атанған ағайынды Сабырхандарға Шымкент әкімдігі көлік пен пәтер сыйлады. Сонымен қатар, олардың әкесіне де көлік сыйға берілді.

Жаңалықтар

барлық жаңалықтар