Гонконгтағы жантүршігерлік өрт: Құрбандар саны 128-ге жетті

26 қарашада Гонконгтағы Wang Fu Court тұрғын үй кешенінде шыққан ірі өрттен 128 адам көз жұмды, деп хабарлайды Orda.kz. 

Өрт өте жылдам тарап, кешеннің барлық сегіз ғимаратын шарпыған.

Құтқарушылар өрт шыққан сәтте жоғарғы қабаттарға көтеріле алмай, жұмыс қиынға түсті. Олар өртпен тәулік бойы арпалысты. Қаза тапқандардың ішінде бір өрт сөндіруші де бар. Құтқару жұмыстары әлі жалғасып жатыр.

Гонконг билігінің мәліметінше, осы оқиғаға байланысты үш адам абайсызда кісі өліміне себеп болды деген күдікпен ұсталған. Полиция олардың 52 мен 68 жас арасындағы ер адамдар екенін, және олар осы кешенде жөндеу жүргізген құрылыс компаниясының қызметкерлері болғанын хабарлады.

Айта кетейік, Украина президенті кеңсесінің басшысы Андрей Ермакқа тінту жүргізілді.