Гарвард оқытушылары Трамптың әкімшілігін сотқа берді

Гарвард университетінің профессорлары АҚШ президенті Дональд Трамптың әкімшілігін сотқа берді, деп хабарлайды Orda.kz. 

Бір топ оқытушы президент әкімшілігін университетке қысым жасады және сөз бостандығына шектеу қойды деп айыптап отыр. Гарвард оқытушылары АҚШ-тың оқытушылар қауымдастығымен (AAUP) бірлесіп сотқа жүгінді. Олардың пікірінше, жаңа билік университетке өз саяси көзқарастарын енгізуге тырысады екен.

Білім және денсаулық сақтау министрліктері, сондай-ақ АҚШ-тың жалпы қызметтер әкімшілігі тексеріс бастады. Деректерге сүйенсек, АҚШ әкімшілігі 31 наурызда Гарвардты мемлекеттік қолдаудан айыратын шарттардың тізімін хат қылып жіберген. Билік қойған талаптардың қатарында митингілерде бетперде киюге тыйым салу, инклюзия бағдарламаларын қысқарту және құқық қорғау органдарымен ынтымақтастық орнату талаптары бар.

Айта кетейік, кәсіпкер және Нью-Йорк штатының 21-ші сайлау округінен конгреске үміткер Энтони Константино АҚШ президенті Дональд Трампқа «Бұғауға көнбеу ескерткіші» деп аталатын ескерткішті сыйға берді.