Ғалымдар Каспий теңізі таяздана түседі деп болжайды

1985 жылдан бері Каспий теңізінің деңгейі үш метрге төмендеді, деп хабарлайды Orda.kz.

Дүниежүзілік мұхиттар күніне орай өткен баспасөз конференциясында РФ Ғылым академиясы П.П.Ширшов атындағы океанология институтының директоры міндетін уақытша атқарушы Владимир Шевченко Каспий теңізі деңгейінің төмендеуі 2025 жылы да жалғасатынын мәлімдеді. Оның айтуынша, теңіз бетінің булануы алдағы 25 жыл бойы жалғасуы мүмкін.

Таязданудың негізгі себептері табиғи сипатта: өзен ағынының азаюы және буланудың күшеюі. Климаттың өзгеруі мен орташа жылдық температураның жоғарылауына байланысты теңіз бетінің булануы арта береді.

«Қазір Каспий теңізінде ғалымдар зерттеу жүргізіп жатыр, олар ғарыштық бақылау мен модельдеуге сүйенеді. Ал бұл мәліметтерді растау үшін қажет шағын ғылыми экспедициялар жалғасатын болады», – деді Владимир Шевченко

П.П.Ширшов атындағы океанология институтының қазақстандық ғалымдармен бірлескен келесі экспедициясы 17 маусымда өтеді.

Мұхиттанушы ғалым атап өткендей, бұл – теңіздің таяздануы емес, су деңгейінің төмендеуі. Каспийді Аралмен салыстыруға болмайды, себебі Арал теңізін  құртып жіберген адам баласының әрекеті.

Жақында тревел-блогер Нүркен Тәжібай Каспий теңізі деңгейінің әр жылдардағы өзгерісін көрнекі түрде көрсеткен болатын.

Біз былтыр Каспий теңізінің  2 метрге тартылғанын хабарладық. Үкімет оны тереңдетуге мемлекет 42 млрд теңге жұмсауды жоспарлады.