«Есеп 4:0»: Қазақстан Лихтенштейн құрамасын ойсырата жеңді

Астанада Қазақстан мен Лихтенштейн құрамасының матчы өтті. Қазақстан Лихтенштейннің қақпасына қатарынан 4 гол салып, жеңіске жетті, деп хабарлайды Orda.kz. 

Қазақстан құрамасы 2026 жылғы әлем чемпионатына іріктеу кезеңі аясында Лихтенштейнмен кездесті. Ұлттық құраманың капитаны Нұралы Әліп болды.

Шотты Ғалымжан Кенжебек ашты. Көп ұзамай Бақтиер Зайнутдинов тағы бір гол салды. Үзілістен кейін Кенжебек дубль жасады. Ал матчтың соңғы нүктесін Әлібек Қасым қойды.

Айта кетейік, Қазақстанның ең қымбат футболшысы Зайнутдинов жарақатынан соң, алаңға қайта оралды. 

Еске салайық, 1 қазанда «Қайрат» — «Реал Мадрид» айқасы жеңіліспен аяқталған еді.