Елорда жастары жалға алатын баспанаға өтініш қабылданады

2021 жылы қараша айының басынан бастап жастар үшін сатып алу құқығы жоқ жалға берілетін баспанаға өтініштер қабылдана бастайды.

Бұл туралы Orda.kz Нұр-Сұлтан әкімдігінің ресми сайтына сілтеме жасап хабарлады.

Құжаттарды қабылдау мерзімдері мен құжаттардың қандай портал арқылы қабылданатыны туралы нақты ақпарат Нұр-Сұлтан тұрғын үй қорының интернет-ресурстарында алдын ала жарияланады.

Жастарға баспананы жалға беру бағдарламасы

Бағдарлама бойынша баспана тек бес жыл жұмыс істейтін жастарға беріледі. Осыдан кейін пәтерді босату қажет. Сондықтан, тұру кезінде жеке үйіңіздің бастапқы жарнасына ақша жинаған жөн. Ай сайын 5 мыңнан 15 мың теңгеге дейін жалдау ақысын төлеу керек.

Бағдарламаға қатысушыларға қойылатын талаптар:

• 29 жасқа толмаған Қазақстан азаматы;
• аяқталған орта / арнаулы орта / жоғары / жоғары оқу орнынан кейінгі білім және ресми жұмысқа орналасу;
• Нұр-Сұлтан қаласында соңғы екі жылдан кем емес тұрақты үздіксіз тіркеу;
• өтініш берушінің және барлық отбасы мүшелерінің Қазақстанда меншік құқығындағы тұрғын үйінің, сондай-ақ екі жылға сатып алу құқығымен жалға алудың болмауы;
• төлем қабілеттілігін растау (соңғы алты айда айлық табыс кемінде 116 680 теңге/40 АЕК).

Айта кетсек, үміткерлер ЭСҚ кілтін алуы керек және тізімдегі барлық сертификаттар жаңа және өтініш беру кезінде алынған болуы керек. Қажетті құжаттар тізімімен www.zhilfond.kz сайтында танысуға болады.

Қатысу үшін құжаттарды тапсырғандар арасынан іріктеу балдық жүйе бойынша жүргізіледі:

• отбасылы болғаны үшін – 5 балл, некенің әрбір жылы үшін – 2 балл;
• балалы болғаны үшін – 1 балл, әрбір кейінгі бала үшін – 2 балл;
• бюджеттік ұйымдардағы (мемлекеттік органдар мен мемлекеттік кәсіпорындар) еңбек қызметі үшін – 5 балл, жұмыс өтілі әрбір жыл үшін – 1 балл;
• нарық сұранысына ие 100 мамандықтың тізімі бойынша кәсіпті игерген талапкер – 10 балл (тізім zhilfond.kz сайтында жарияланған);
• кемінде 1 жыл жеке кәсіпкерлік қызметті жүзеге асырған кезде – 5 балл, әр жыл үшін – 1 балл;
• өтініш берушінің қызметтің әртүрлі салаларындағы жеке жетістіктері болса (кәсіби саладағы жетістіктері ескеріледі) – 2 балл;
• екінші деңгейдегі банктердегі жинақ шотындағы жинақтардың әрбір жылы үшін – 2 балл.

Қосымша ақпаратты 109 (ұялы телефон үшін) iKomek телефоны, сондай-ақ + 7-700-725-17-32 – Нұр-Сұлтан қаласы жастар саясаты басқармасы арқылы алуға болады.