Егіздер Қасым мен Жомарт Тоқаевтан хат алды
Президент Ақтауда тұратын егіздер Қасым мен Жомарт туралы мақаланы оқып, оларға хат жолдады. Ұлдардың әкесі бұл отбасы үшін күтпеген тосын сый болғанын айтты, деп хабарлайды mangystaumedia.kz.
Мемлекет басшысы Қасым-Жомарт Тоқаев 13 жасар егіздердің елге адал қызмет ететін азамат болып, биік белестерді бағындыруын тіледі.
«Айналайын Қасым мен Жомарт, сіздер туралы жақында естідім. Сіздер алдарыңызға жоғары мақсат қойдыңыздар – білім алып, тамаша дипломат болыңыздар. Бұл мамандық мемлекетке өте қажет. Еліміз үшін, халқымыз үшін аянбай еңбек ететін азамат болыңыздар. Еліміздің болашағы жастарда. Сондықтан ақылды, зерделі, білімді болып өсу керек. Бұл үлкен жауапкершілік. Бүгінгі жастар – ертеңгі ел иесі. Неғұрлым білімді де білікті болсаңыз, еліміздің болашағы да кемел болады. Зүлфия әжеңнің, ата-анаңның, елдің үмітін ақтайтындарыңа сенемін. Мен жастардың өз Отанын шексіз сүйетін, сіздер сияқты көп тіл білуге ұмтылып өсіп келе жатқанына қуаныштымын. Әрқашан белсенді және мақсатты болыңыз. Өмірде биік белестерді бағындыруыңа тілектеспін!» делінген хатта.
Мемлекет басшысының арнайы хатына Қасым мен Жомарт риза болды.
- Олар хатты қайта-қайта оқып, достарына өздерінің тәжірибелері туралы айтуды тоқтата алар емес. Президентіміздің тілегі қабыл болсын, - дейді егіздердің әкесі Ерлан Мәуленов.
Еске салсақ, Қасым мен Жомарт №11 мамандандырылған физика-математика лицейінің 8-сыныбында оқиды, соңғы үш жыл бойы сыныптастары оларды «президент» деп атап жүрді. Мамыр айында туған күнін тойлаған мемлекет басшысының аттастары болашақта дипломат болуды мақсат етіп қойды. Қазіргі уақытта бірнеше шет тілдерін зерделеуде.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды