Боксшы Дмитрий Биволдың бұрынғы әйелі 60 сағаттық қоғамдық жұмысқа жегілді

Қазақтар мен қырғыздарды балағаттап, аузына келгенді айтқан Екатерина Бивол Ресейде 60 сағаттық қоғамдық жұмысқа жегілді, деп хабарлайды Orda.kz.

Боксшының бұрынғы жарына қатысты шешім Санкт-Петербургтегі Ленин аудандық сотында қабылданды.

Экстремизмге қарсы күрес орталығының қызметкерлері оның сөздерінде адамдардың шығу тегін кемсіту туралы тұжырым бар деген қорытындыға келді.

Айта кетейік, Екатерина Бивол өзінің телеграм арнасында қазақ пен қырғыз ұлтына тіл тигізіп бейнеролик жариялаған болатын. Кейін  Қазақстан Республикасы Екатерина Биволға халықаралық іздеу жариялады. Ресей Федерациясымен оны ұстау үшін байланыс орнатты.

Ажырасқаннан кейін Екатерина Бивол әлеуметтік желілерде белсенді бола бастаған. Ол бұрынғы күйеуі туралы жиі эмоционалды жазбалар жариялап, спортшыны алимент мөлшерін азайту үшін табысын жасырды деп айыптаған. Сондай-ақ оның жанкүйерлерін де сынаған.

Еске салайық, 34 жастағы Дмитрий Бивол — ресейлік және қырғызстандық боксшы. Ол жеңіл салмақтағы WBA, WBO және IBF тұжырымдары бойынша әлем чемпионы. Бивол мансабында Артур Бетербиевтен басқа ешкімге жеңілмеген. 24 қарсыласын (оның 12-сін нокаутпен) жеңген спортшы.