Бес күн бойы Қордай асуында жүк көлігінің ішінде қалған жүргізуші жан сақтап қалды

Жамбыл облысында қатты аяз салдарынан жүк көлігінің жүргізушісі Қордай асуында тұрып қалды, деп хабарлайды Orda.kz ҚР Төтенше жағдайлар министрлігіне сілтеме жасап.

Қатты аяз кесірінен ауыр жүк көлігінің жанармайы қатып, ер адам бес күн жолда қалған. Жүргізуші өте қиын жағдайда жан сақтап қалды.

Оқиға орнына Төтенше жағдайлар бөлімінің қызметкерлері «Трэкол» автокөлігімен жетті. Құтқарушылар зардап шегушіге қажетті көмек жеткізіп, денсаулығын тексеріп, жүк көлігін қалпына келтіруге көмектесті.