Берлинде оңшылдарға, Трамп пен Маскке қарсы ауқымды наразылық өтті

25 қаңтарда Берлинде өткен наразылық шеруіне жүз мыңға жуық адам жиналып, «Германия үшін балама» (AfD) партиясы, канцлер кандидаты Фридрих Мерц, АҚШ президенті Дональд Трамп және кәсіпкер Илон Маскпен келіспейтінін білдірді, деп хабарлайды Orda.kz сайты Bild басылымына сілтеме жасап.

Елдегі ең үлкен митингіге айналған митинг Бранденбург қақпасында өтті. Қатысушылар оңшыл саясаткерлер мен кәсіпкерлерге қарсы ұран көтеріп, көші-қон саясатын қатайту жоспарына наразылықтарын білдірді.

Бір күн бұрын Кельнде де 20 мыңға жуық адам оңшыл AfD партиясына наразылық білдіру үшін көшеге шыққан болатын. Билік 5 мыңнан астам адам қатысады деп күткенімен, акцияға қатысушылар одан бірнеше есе көп болды. 

11 қаңтарда Олаф Шольц ресми түрде Германия канцлеріне кандидат ретінде ұсынылғаны хабарланды.