Қазақстан мен Өзбекстан арасында жаңа жолдар салынады

ИИДМ мәліметінше, Қазақстан Өзбекстанға жаңа автомобиль және темір жолын салуды жоспарлап отыр, оның құны 75 миллиард теңге болады.

Тараптар желтоқсан айында «Қызылорда-Үшқұдық» автожолы мен теміржол құрылысының жоспарына қол қойды.

Жаңа бағыттың ұзындығы 280 шақырымды құраса, оның 140 шақырымы Өзбекстан аумағы арқылы өтеді.

Тараптар құрылыс жұмыстарын 2025 жылы бастауды жоспарлап отыр. Жол екі-үш жылда аяқталады деп күтілуде.

«Автожол құрылысының сметалық құны 75 млрд теңгені құрайды, оның ішінде өткізу пунктінің құрылысына бес миллиард теңге жұмсалады» деді министрлік.

Министрліктің болжамы бойынша, бұл жол Орталық Азия елдерін Қазақстанның оңтүстік, орталық және солтүстік аймақтары арқылы Ресеймен біріктіреді. Жол Қызылорда – Жезқазған – Павлодар – Ресей шекарасы халықаралық дәлізінің бір бөлігі болады.

Сонымен қатар, Өзбекстан тарапы да Қызылорда – Үшқұдық жаңа теміржол желісін салуға бастамашылық етуде.

Енді техникалық-экономикалық негіздемені әзірлеу үшін экономикалық талдау жүргізу қалды.

Бұл тараптар жүзеге асыруды жоспарлап отырған жалғыз инфрақұрылымдық жоба емес. Екі ел қазір 2021-2024 жылдарға арналған Түркістан-Шымкент-Ташкент тас жолының құрылысын да қызу талқылап жатыр.

Жаңа бағыт Орталық Азияның ірі тарихи-мәдени орталықтарын байланыстырады деп жоспарлануда. Бұл өз кезегінде жолаушылар ағынын жылына 1,9 миллион адамға дейін арттырады.