Ауғанстан мен Пәкістан шекарасында қақтығыс болды

Ауғанстан мен Пәкістан шекарада бір-біріне соққы жасады.

Ауғанстан қорғаныс министрлігінің хабарлауынша, әскерилер Пәкістан әуе күштерінің рейдтеріне жауап ретінде екі елдің шекарасындағы Пәкістан әскери базаларына оқ жаудырған.

«Бүгін таңертең Пәкістанның жауынгерлік және барлау ұшағы Ауғанстанға тағы да басып кіріп, тұрғын үйлерді бомбалады. Бұл агрессияға жауап ретінде шекара әскерлері Пәкістанның әскери базаларына ойдан шығарылған сызық бойынша ауыр қарудан оқ жаудырды» делінген Ауғанстан қорғаныс министрлігінің мәлімдемесінде.

Айта кетейік, 18 наурызға қараған түні Пәкістанның әуе күштері екі елдің шекарасына жақын орналасқан Пактика және Хост провинцияларындағы екі елді мекенге әуеден соққы берді. Ауғанстан үкіметі әуе шабуылынан кем дегенде сегіз адам, оның ішінде үш бала қаза тапқанын хабарлады.

Пәкістан әскери-әуе күштерінің операциясы 16 наурызда Пәкістанның «Техрик-е-Талибан» содырларының шекарадағы Солтүстік Вазиристан ауданындағы Мир Али қаласындағы Пәкістан қарулы күштерінің базасына шабуыл жасап, жеті сарбаздың қазасына жауап ретінде жасалғаны хабарланды.