Ауа райы болжамы: Қазақстанда күн салқындайды

Қазақстанда күн салқындап, жаңбыр жауады. Синоптиктер 13-15 шілдеге арналған ауа-райы болжамын ұсынды.

Бұл туралы Orda.kz хабарлайды.

– Республикамыздың басым бөлігінің ауа-райына циклон және онымен байланысты фронтальды бөлімдер әсер ететін болады. Ауа-райының тұрақсыз сипаты күтіледі. Осыған байланысты солтүстік-батыста, солтүстікте, орталықта және шығыста қатты жаңбыр жауып, найзағай ойнап, бұршақ түсіп, дауыл соғады, деп хабарлады «Қазгидромет» РМК.

Батыста ауа температурасы түнде +12+22℃, күндіз +25+35℃, республиканың солтүстігінде, солтүстік-батысында ауа температурасы түнде +7+20℃, күндіз термометрлер +12+28℃, елдің орталығында және шығысында ауа температурасы түнде +8+20℃, күндіз +15+28℃, Қазақстанның оңтүстік және оңтүстік-шығысында түнгі температура +12+23°С, күндіз +25+32°С болады.