Атырауда төрт айлық баласына 38 пышақ жарақатын салған келіншекке сот үкімі шықты.

«Ақ Жайық» басылымының хабарлауынша, іс екі ай бойы Атырау облысының қылмыстық істер жөніндегі мамандандырылған ауданаралық сотында қаралған.

Сотта 42 жастағы әйелдің параноидтық шизофрениямен ауырғаны және қылмыс жасаған кезде есін білмегені дәлелденді. Сот үкімін жариялау кезінде әйелдің туыстары қатыспады, ал күйеуі үкімді желіде тыңдады. Әйел психиатриялық орталыққа жатқызылды.

«ҚР Қылмыстық кодексінің 16-бабына сәйкес, ҚР Қылмыстық кодексінің 99-бабының 3-бөлігінде көзделген әрекетті есі дұрыс емес жағдайда жасағаны үшін қылмыстық жауаптылықтан босатылсын. Мамандандырылған психиатриялық стационарда мәжбүрлеп емдеу тағайындалсын» деп судья Зарема Хамидуллинаның үкімі шықты.

Белгілі болғандай, келіншек баласы қатты жылағаны үшін оны өлтірген. Туыстары 42 жастағы әйелдің мұндай оғаш қылығын алғаш рет сәбиге қырық күн болғанда байқаған.

Бөлісіңіз: