Астанадағы клубтардың бірінде көз жұмған 19 жастағы жігіт туралы тың деректер шықты

Астанадағы «Amazon» клубында 19 жастағы Азат есімді жігіт кісі қолынан қаза тапты, деп хабарлайды Orda.kz.

Қаза тапқан Азаттың жақындарының айтуынша, 7 қыркүйекке қараған түні жігіттің өліміне 5 адам себепкер болған. Олардың бірі оның жүрегі мен аяғына екі реттен пышақ сұққан екен.

Шабуыл кезінде клубта күзетшілер мен әкімшілер болған. Алайда жігіттердің қақтығысына ешкім араласпаған. Марқұмның туыстары қылмыстың алдын алу үшін ешқандай шара қолданылмағанын айтты.

Сонымен қатар, клубтың Instagram парақшасына көптеген жағымсыз пікірлер жазылғаннан кейін парақшаны өшіріп тастады. Ал әлеуметтік желілерде #Zaazata деген хэштег көбейіп барады.

Марқұмның жақындары шабуылдағандардың бәрін анықтап, жазалауды, мекеме басшылығын әрекетсіздігі үшін жауапқа тартуды және клубты жабуды талап етіп отыр.

Айта кетейік, Астанада бір топ еркек зорлаған Туретта синдромы бар жігіттің туыстары тергеу ісіне наразылық танытты.