Арқалық әкімдігі әуежайды сатуға байланысты түсініктеме берді

Қостанай әкімдігі әуе қозғалысын қалпына келтіру мәселесі бірнеше рет көтерілгендігін хабарлады. Бірақ жаңа әуежайдың құрылысы мен ұшу-қону жолағын қалпына келтіруге үлкен қаражат қажет.

«Әуежай қайта құруға келмейді, жүк көтеретін құрылымдар жарамсыз. Жаңа әуежай салуға әрдайым орын табылады. Қалаға бұл әуежай керек пе деген сауал туындайды. Бізде облыс орталығымен автомобиль және көлік байланысы мен теміржол байланысы бар. Әрине жолаушылар табылады, бұл жерде де мәселе бағаға кеп тоқтайды. Біз бағаны 20 мың десек, ал пойыз құны төрт мың болса, айырмашылық жер мен көктей болмақ. Бюджетке субсидия бөлінуі керек, ал біздің бюджет мұндай шығындарды көтере алмайды», - дейді Арқалық әкімінің орынбасары Дархан Хамзин.

Арқалық әуежайы 1998 жылдан бері қараусыз қалған. Кеңестік кезеңде осы жерден Қазақстанның көптеген қалаларына және Мәскеуге рейстер жүзеге асырылды. Жергілікті әуе желілері бойынша рейстер де болды (атап айтқанда, Арқалық - Амангелді - Торғай). Қазір әуежай тек бірен-саран пайдаланылады. Атап айтсақ, Союз сериясындағы басқарылатын ғарыш аппараттарының қонуын іздеу-құтқару кезінде қону алаңы ретінде.

Еске салайық, екі жыл бұрын Қостанай әкімінің есеп беру кездесуінде Архимед Мұхамбетовке жергілікті әуежайды іске қосып, Арқалықтан Қостанай мен Астанаға әуе жолдарын ұйымдастыру табысталған.