Англияның Жоғарғы соты Қазақстанның канадалық компаниясына төлейтін сомасына қатысты талабын жұмсартты

2019 жылы төрелік сот Қазақстан WorldWideMinerals-қа жалпы талаптың 1% -дан азын ғана төлеуі керек деген шешім шығарды.

Англияның Жоғарғы соты канадалық WorldWideMinerals компаниясы мен Пол Карролл QC-дің Қазақстан Республикасына қарсы талап арызы бойынша келтірілген залал, пайыздар мен сомаларға қатысты мәні бойынша шешім қабылдау бөлігінде бұрынғы арбитраждық шешімді жойды, деп хабарлады Қазақстан Республикасы Әділет министрлігінің баспасөз қызметі.

2019 жылғы 29 қазанда төрелік сот талапкерлерге талаптың жалпы сомасының 1% -ын, яғни, 1,9 млрд АҚШ доллары мөлшерінде залал тағайындау туралы шешім шығарды.Төрелік шешімге сәйкес, Қазақстан Республикасы 20 жыл бұрын халықаралық заңнаманы және Канада мен КСРО арасындағы екіжақты инвестициялық келісімді бұзған.

Қазақстан Англияның Жоғарғы сотына шешімге шағымдану туралы өтініш берген болатын.

2020 жылы 23 қарашасында Англияның Жоғарғы Соты қазақстандық тараптың дәлелдерімен келісіп, талап қою сомасына және талапкерлерге келтірілген шығындарға қатысты шешімді жойып, оны осы бөлімдегі аралық сотқа қайта қарастыруға жіберді.

Сонымен қатар, сот WorldWideMinerals Ltd және Carroll QC сот шығындарын Қазақстан Республикасының пайдасына 350 000 АҚШ доллары көлемінде өндіру туралы шешім шығарды. Англияның Жоғарғы Соты апелляциялық процеске байланысты Қазақстан Республикасына төленетін басқа шығындар сомасын қосымша бағалайды.