Алматыдағы Мәңгілік алауға көгілдір отын берілді

Алматыдағы мәңгілік алау көгілдір отынға қосылды, деп хабарлады әкімдіктің баспасөз қызметі.

«1975 жылдан бері газбен жабдықтау құрылғылары жаңартылмаған. Заманауи жабдыққа көшу игілікке толы нысанның тұрақты, үздіксіз жануын қамтамасыз етеді», - деді Алматы қаласы Медеу ауданының әкімі Еркебұлан Оразалин.

28 гвардияшы-панфиловшылар атындағы саябақтағы мәңгілік алауға көгілдір отын берілді. Бұған дейін ол сұйытылған газбен жанатын, сұйытылған газ автономды режимде жеткізілетін.

Ескерткіш Екінші дүниежүзілік соғыстағы Жеңістің 30 жылдығына арналған. Естелік аллеясында фашистермен  шайқаста аман қалған 28 батыр-панфиловшының есімдері жазылған обелисктер қойылып, оның ортасында 1975 жылы жағылған Мәңгілік алау әлі сөнбеген.