Алматыдағы құрылыс алаңында үстіне кран құлаған бір жұмысшы мерт болды

Алматыда құрылыс жұмыстары жүріп жатқан алаңда кран құлады. Бір жұмысшы қаза тапты, деп хабарлайды Orda.kz. 

Бұл туралы қалалық Төтенше жағдайлар департаменті хабарлады. Қайғылы оқиға бүгін, 3 маусым күні болды. ТЖМ қызметіне Сәтпаев көшесі, 90/2 мекенжайындағы құрылыс алаңында мұнара кранының құлағаны және бір адамның қаза тапқаны туралы полициядан хабарлама келіп түскен. 

Желіде тараған ақпаратқа сүйенсек, қаза тапқан ер адам кран операторы болып жұмыс істеген. Полиция қылмыстық іс қозғады. 

Айта кетейік, бүгін Астанада бағанаға соғылған автобус жүргізуші қамауға алынған еді.