Алматыда жылжымалы вакцина пункттері іске қосылады

Алматыда коронавирусқа қарсы жылжымалы медициналық вакциналау пункттері құрылады. Бұл туралы Алматы қаласы Қоғамдық денсаулық сақтау басқармасының басшысы Нариман Табынбаев мәлімдеді.

Бұл туралы Orda.kz хабарлады.

— Медициналық мекемелер мен емханалардан басқа, адамдар көп жиналатын орындарда, СОО-да егу пункттері ашылды. Сонымен қатар, қаланың шалғай аудандары тұрғындарына екпе жүргізу үшін үшін жылжымалы медициналық пункттер мен мобильді бригадалар шығаруды жоспарлап отырмыз. Осындай төрт көлік дайындалды, - деді Нариман Табынбаев Орталық коммуникациялар қызметінде өткен брифингте.

Бұрын хабарланғандай, Алматыда 200-ге жуық егу пункті бар.

Миллионға жуық алматылықтарға вакцина егу жоспарланған.