Алматы тауларында жоғалып кеткен адамды іздеу жұмыстары жалғасып жатыр

Алматы тауларында жоғалып кеткен адамды іздеу жұмыстарының жүргізіліп жатқанына бүгін үш күн.

1985 жылы туылған ер адам 12 желтоқсанда Титов көлі маңында адасып кетті. Таңертең ол тауға шыққанымен, қараңғы түскенше қайтуға үлгермеген. Жақынының айтуынша, ол сол күні сағат 18: 47-де ТЖМ-не қоңырау шалған. Оны 39 құтқарушы іздеуде, оның ішінде бес кинологиялық экипаж және алты техника бірлігі бар, деп хабарлайды республикалық жедел-құтқару жасағының баспасөз қызметі.

«Ауа райының қолайсыздығы, тік беткейлер, жартастар мен көрінудің нөлдік деңгейіне қарамастан, іздеу-құтқару жұмыстары түні бойы жалғасты. 12-14 желтоқсан аралығында барлық іздестіру-құтқару жұмыстарына 39 құтқарушы тартылды, оның ішінде бес кинологиялық бригада және алты техника. РОСО құтқарушылары жоғалған адамның соңғы болған орнына қарай Кумбелсу өзенінің бойындағы аумақты тексеріп жатыр», - деп хабарлады РОСО баспасөз қызметі.

Құтқару жұмыстары ауа-райының қолайсыздығымен қиындады, алайда іздеу әлі жалғасуда.

Жыл сайын Қазақстанда, дәлірек айтсақ, Алматы тауларында көптеген адамдар із-түзсіз жоғалып кетеді. Біреулері тірі және жарақатсыз, ал басқалары, керісінше, өлі табылса, кейбіреулері осы күнге дейін табылмаған. Құтқарушылар тауға шыққанда абай болуды ескертеді.