«Алқаш» деді»: мас ер адам 15 жастағы қызын 16 рет пышақтап өлтірді

Алматы қаласы Талғар ауданынан тағы тыныштық кетті. Тұздыбастау ауылында ер адам өз қызын пышақтап өлтірді.

Orda.kz тілшісі қайғылы оқиға болған отбасының туысына хабарласып, істің мән-жайын сұрастырды. 

Әсел Сағатова есімді келіншек қанды қылмыстың қалай болғаны туралы сөз қозғады. 10 қараша күні кешкі 18:00 шамасында ішімдікке сылқия тойған ер адам ас бөлмесіне кіріп су ішпек болады. Сол жерде 15 жастағы қызы тамақ істеп жүрген. Сол сәтте екеуі сөзге келіспей қалады. Жанжал ер адам қызымен суға таласып қалған кезде басталады. Ашуға булыққан ер адам ас үйдегі пышақпен өз қызын 16 рет пышақтап, бетін тілгілеп тастады. Қайғылы оқиға кезінде үйде ешкім болмаған. Өз әкесі пышақтаған жасөспірім көп қан жоғалтып, оқиға орнында көз жұмды. Ер адам мастығынан айыққанда туыстарына жасаған қылмысы туралы өзі хабар берген. 

[media=

Посмотреть эту публикацию в Instagram

Публикация от Assel Sagatova (@sagatova_assel)

Марқұмның туысының айтуынша, ер адам мен қызы бұған дейін бір-біріне қырғи қабақ танытып жүрген. Әкесінің ішімдікке әуес болып, отбасының шырқын бұзып жүргеніне намыстанған қыз полиция шақыртып, әкесін бірнеше рет бұзақылығы үшін қаматқан. Әкесі сол үшін қызына тіс қайрап жүрген. Қылмыс болғаннан кейін ер адамның өзі полиция бөлімшесінде туысымен сөйлесіп отырып: 

Қазір ер адам уақытша ұстау изоляторына қамалған. Қылмыстық іс қозғалып, тергеу амалдары жүргізіліп жатыр. Ал қайғыдан қан жұтқан отбасында марқұмның анасы мен 2 бауыры қалды. 

Orda.kz марқұмның анасына хабарласып, көңіл айтты. Қызынан айырылған ана:

Оның полицияға не үшін көңілі толмағаны құпия болып қалды. 

Сонымен қатар, марқұмның туыстары көз жұмған қыздың суреті мен аты-жөнін жарияламауды сұрады. 

Айта кетейік, Ақтөбе облысында ер адам әйелін өлтіріп, кейін өзіне қол салды.