Ақтөбеде қарызға батып бүйрегін сатпақ болған азамат сот залынан босатылды

Ақтөбе соты қарыздарынан бүйрегін сату арқылы құтылмақ болған 27 жастағы ер адамды қылмыстық жауапкершіліктен босатты. Рақымшылық туралы заңға сәйкес сотталушының қолынан кісені шешілді, деп хабарлайды Orda.kz.

Ақтөбе қалалық соты ҚК-тің 116-бабы 1-бөлігімен айыпталған 38 жастағы сотталушы A. Данияр есімді азаматқа үкім шығарды.

Ол Қарағанды облысы Нұра ауданының 1998 жылғы тұрғыны. Бұрын сотталмаған, ажырасқан. 2 жастағы баласы анасымен бірге тұрады. 

«А. Данияр Қылмыстық кодекстің 78-бабы 2-бөлігімен ҚР Конституциясының 30 жылдығына байланысты рақымшылық жасау туралы актісіне байланысты қылмыстық жауапкершіліктен босатылсын. Қылмыстық іс жүргізу ылмыстық-процестік кодекстің 35-бабы 1 бөлігі 3 тармағы негізінде тоқтатылсын. Күзетпен ұстау туралы бұлтартпау шарасы жойылсын», — деді судья Аян Құсаев. 

Қылмыс 2025 жылдың сәуір айында жасалған. Іс материалдарына сүйенсек, сотталушы Telegram-арна арқылы алғашында бүйрегін 20 млн теңгеге сатуға хабарлама қалдырады. Кейін Ақтөбеден сатып алушы тауып, саудаласқанда 15 млн теңгеге келіскен.

Сотталушы ақшаның жартысын, яғни 7,5 млн теңгені алып жатқанда қолға түсті. 
Айта кетейік, сотталушы бұрын сот отырысына келмеген соң, оны күзетпен қамап, ұстау шарасы қолданылған еді. 

Еске сала кетсек, Ақтөбеде өз бүйрегін 15 миллион теңгеге сатуға келіскен  Қарағанды облысының тұрғыны сотқа күзетпен жеткізілген еді.

Айта кетейік, Алматы қаласының Наурызбай аудандық сотында  адам ағзасын алып сатушыларға қатысты сот отырыстары өтіп жатыр. 1 шілде күні өткен сот отырысында куәгерлер қалай бүйректерін беріп, төл құжаттарында ата-аналарының аты-жөндері ауысып кеткенін айтты. Сонымен қатар қылмыстық топтың ішінде ерлі-зайыптыларда бар екені белгілі болды. Олар әлеуметтік желіден донор тауып келіссөз жүргізіп отырған. 

Orda.kz тілшісі адам ағзасын саудаға салғандардың бұған дейін болған әр сотына қатысып тікелей ақпарат таратып отырды. Осы жолғы сотта тілшіміз айыптыларға қатысты тың деректерді біліп қайтты. Толығырақ материалымыздан оқыңыз.

Автор: Ардақ Ерубаева