Ақтаудағы әуе апатында бір-бірінен көз жазып қалған ерлі-зайыпты қауышты

Әуе апатынан кейін ұзақ уақыт бойы жұбайы Муслимат Сираджовамен байланыса алмаған Нұролла Сираджов палатаның босағасында тұрып, әйеліне қарап көзіне жас алды, деп хабарлайды Orda.kz

Ақтаудағы ұшақ апатынан кейін ұзақ уақыт бойы жұбайы Муслимат Сираджовамен байланыса алмаған Нұролла Сираджов ақыры онымен қайта қауышты.

Yeni klinika медициналық мекемесінің баспасөз хатшысы Нұрида Аллахярова бұл қуанышты жаңалықты Facebook әлеуметтік желісінде хабарлады.

Бейнеде Нұролла бір күн бұрын клиникаға жеткізілген жұбайына барады. Палатаның босағасында тұрып, ол әйеліне қарап көз жасын ұстай алмады.

Бастапқыда апатта әйелдің қайтыс болғаны туралы хабарланды. Алайда кейінірек оның есімі тірі қалғандар тізімінен табылды. Ол Қазақстанда біраз уақыт емделіп, жұбайы ем алып жатқан Yeni Klinika ауруханасына жеткізілді.