Абдалла Қасым-Жомарт Тоқаевты Иордан Хашимит Корольдігінің орденімен марапаттады

Қасым-Жомарт Тоқаевтың Иорданияға сапары кезінде ІІ Абдалла мемлекет басшысына Иордан Хашимит Корольдігінің «Әл-Нахда» жоғары орденін тапсырды, деп хабарлайды Orda.kz.

Тоқаев Корольдіктің жоғары мемлекеттік наградасымен марапаттағаны үшін ІІ Абдалла бен әл-Хусейнге және иордан халқына алғыс айтты.

«Ұлы Мәртебелі, Сізді аса көрнекті мемлекет қайраткері әрі көшбасшы ретінде бағалаймын. Сондықтан бұл марапатты Өзіңізге деген шынайы құрметпен қабыл аламын», – деді мемлекет басшысы. 

Өз сөзінде Тоқаев берілген орденді екі ел арасындағы достықтың символы санайтынын атап өтті.

Еске сала кетейік, ҰҚК Мәсімовтің бұрынғы күйеу баласының ұсталғаны жайлы мәлімет беруден бас тартты.