Балаларды балағаттаған меңгерушіге қатаң сөгіс жарияланды

Қарағанды облысы Шахтинск қаласының білім бөлімі № 6 жалпы білім беру мектебінің меңгерушісіне қатаң сөгіс жариялады. Ол балаларды қорлап, «ақымақ маймылдар» деп атаған.

Бұл туралы Orda.kz хабарлады.

Ведомствоның мәліметінше, орынсыз мінез-құлыққа жол берген педагог білім беру жүйесінде 20 жылдан астам, ал № 6 мектепте-соңғы үш жыл жұмыс істейді. Ол 8 «В» сынып оқушыларына тіл тигізетін мәлімдеме жасады.

- Қызметтік тергеу мен педагогикалық әдеп жөніндегі кеңес отырысының қорытындысы бойынша оқу меңгерушісіне қатаң сөгіс жарияланды. Сондай-ақ қалыптасқан жағдайды реттеу үшін мектеп әкімшілігі кеңейтілген ата-аналар жиналысын өткізеді, - деп хабарлады Шахтинск қаласының білім беру бөлімі.

Департаменттің айтуынша, жиналысқа педагогтар мен ата-аналар, сондай-ақ педагогикалық этика кеңесінің мүшелері қатысады. Бөлім бастығы бұл оқиғаның себептерін баяндайды және этикаға сай емес мінез-құлқы үшін кешірім сұрайды.

- Педагогикалық әдеп нормаларын сақтау және осындай жағдайлардың алдын алу мақсатында Шахтинск қаласының барлық білім беру ұйымдарында педагогикалық әдеп қағидаларын сақтау туралы мәселені қараумен педагогикалық кеңестердің кезекті отырыстары өтеді, - деп атап өтті ведомствода.

Естеріңізге сала кетейік, бұған дейін Шахтинск қаласында мектептердің бірінің меңгерушісі балаларды қорлап, оларды «ақымақ маймылдар» деп атағаны хабарланған болатын. Оқушылар мұғалімнің сөздерін диктофонға жазып, желіге таратты. Жазба резонанс тудырды. Аталған факті бойынша қызметтік тергеу басталды.